ما أقدم عليه لاعبي الفريق من تمرد وعصيان ترجموه إلى اضراب لا يمكن اعتباره سوى خيانة لجمهور ضحى بالغالي والنفيس من أجل تشجيع لاعبين تبين أنهم مجرد مرتزقة أوباش وماديين لدرجة تنكرو فيها لفريق مات من أجله العشرات وسجن بسببه المئات في سبيل دعم وتحفيز لاعبين أثبثوا انهم مجرد اوباش لا يستحقون حتى شرف لتغني بأسمائهم.

من حق أي لاعب أن يطالب بمستحقاته المالية لأنها حق وليست مطلب، لكن وجب على أولئك المرتزقة أن يعلموا أن للحق قرين اسمه الواجب، وواجب على أي لاعب داخل كتيبة الرجاء البذل والعطاء وتحقيق الألقاب لا الرتبة الخامسة !!

شعب الرجاء وجب أن يعلم أن اللاعبين أضربوا وهددوا بعدم لعبهم لمباراة كأس العرش، لعدم توصلهم بمنح المباريات لا الأجور ولا منح التوقيع، نعم أعلنوا التمرد والعصيان من أجل انتصارات حققوها هي في الأصل واجبة عليهم و ليست فضلا وكرما منهم، إذا ولما وصلت الأمور حد المحاسبة والابتزاز من حقنا أيضا أن نحاسبكم على الصغيرة قبل الكبير وهنا سأضع لغة الضاد جانبا لعدم قسوتها واستعين بعاميتنا على الرسالة تصل للاعبين أوباش يتواجدون ضمن لائحتي "إذا كان بودريقة كرئيس ما وفاش بالوعد ديالو معاكم فهاد الجمهور أش ذنبو حتى تقزمو ليه الفريق وتضحكو فيه العديان و تجعلوه مادة ساخرة للإعلام "؟؟

أتحدى أي وبش فيكم يجيب ليا فريق مغربي وحيد أدى جميع منح الفوز للاعبيه بما فيهم البطل الحالي ؟؟ أنتم أول العارفين أن منح المباريات تتراكم على كل الأندية لأنها أصلا غير محددة في العقود و القيمة ديالها ترتفع و تنخفض على حسب طبيعة اللقاء و أنتم خير العارفين أن منح الرجاء كانت الأعلى و بالله عليكم منحة الديربي المقدرة بـ 5 مليون سنتيم هل منحت للاعبي الفتح نظير تتويجهم ؟؟

أتحدى أي مرتزقة منكم يجيب لينا لاعب واحد تمرد أو أعلن الإضراب من الفرق الأخرى آخرها طنجة اللي لاعبين ديالها مزال ما توصلو بأزيد من 7 منح مباريات و مع ذلك لعبو رجال.

نمرو لمحاسبة الأشخاص و نبداو بسيهم القديوي قاعدة الجبهة الانفصالية. واش ألقديوي عندك الوجه علاش دير الإضراب وانت ركبتك خسرات عليها الراجا باش جابت الواصلي اللي لعب كثر منك ؟؟ واش انت أصلا مناسب مع العيادة ومزال باغي الفلوس ديالاش أبا الحاج لا أنت لا الوادي لا كروشي أش لعبتو باش ديرو الإضراب ؟؟

أما البقية فنحاسبوها أش هداونا كجمهور .. الرتبة الخامسة ؟؟ هاد الرتبة كون طلعنا غير فريق الأمل كون جابها و بلاش علينا من مصاريفكم

حطيتو النادي فوضع محرج لدرجة بات يروج أنكم كتسالو الأجور، في حال أنها مجرد منح و علاش هادشي حيث الرئيس سيرحل، و إن كان سيرحل ومن بعد ؟؟ هو غادي غادي فحالو والرجاء باقية وأنت عندك عقد تحميه الجامعة إذا مناش خايف.

إذا كان مطلبكم شرعي وأخلاقي فعلاش كتسربو الأخبار للصحافة و ما كتبانوش فالصورة كونو رجال و ديرو تصريح متلفز على أنكم ها أش كتسالو ولا عارفينها حاجة ناقصة أنكم ديرو الإضراب على منح المباريات ؟؟

ما كاين اللي ضسركم قد بودريقة نفسه هو من رفع من سقف المنح وهو اللي خلاكم ضسرو علينا أما كون وقع معاكم على عقد يقتضي التوصل بالمنح طبقا لسلم محدد ديال المردودية كون المخير فيكم ما شاد والو و لكن لقيتوها سايبة و لقيتو الجمهور أصبح متسامح أكثر من أي وقت أما شحال هادي راه علماء كانو كيديو كورة و كلاو العصا حيت لعبهم ما بقاش يعجب وراه النجاري حداكم و سولوه على التصرفيق اللي خدا و سولوه على وضعية اللاعبين كيف كانت و كيف ولات دابا لكن نتوما إختاريتو الشوهة

ملي وصلنا لتشوهو لينا النادي حتى حنا غادي نبداو نشوهوكم واحد واحد و كلكم عندكم ضواسا خانزين و راكم عارفين

و في الأخير شكرا لكم فهكذا تجازون من سجن بسبب تشجيعه لكم، هكذا تترحمون على من مات، وهكذا تجيبون من ضحى من أجلكم في رحلات الشتاء والصيف؟